महाराष्ट्र न्यूज वन प्रतिनिधी, कोल्हापूर : नामांकित शिक्षण संस्था अशी ओळख असलेल्या प्रायव्हेट एज्युकेशन सोसायटीच्या नियामक मंडळाच्या चेअरमनपदी डॉ. सुनील कुबेर तर व्हाइस चेअरमनपदी मिलिंद करमळकर यांची निवड करण्यात आली. विश्वस्त मंडळाच्या नुकत्याच झालेल्या बैठकीत ही निवड करण्यात आली. शहरातील ज्येष्ठ रेडिओलॉजिस्ट म्हणून डॉ. कुबेर कार्यरत आहेत. गेली २२ वर्षे ते दि प्रायव्हेट एज्युकेशन सोसायटीच्या माजी विद्यार्थी संघटनेमध्ये कार्यरत आहेत. कोल्हापूर जिल्हा रेडिओलॉजिस्ट संघटनेचे अध्यक्ष म्हणूनही त्यांनी काम केले आहे. ज्येष्ठ व्यावसायिक म्हणून ओळख असलेले मिलिंद करमळकर यांनी याआधी रोटरी क्लब ऑफ कोल्हापूर हेरिटेजचे प्रेसिडेंट म्हणूनही काम पाहिले आहे