Maharashtra News 1
Register
Breaking : bolt
दहा -दहा महिन्याचा महापौर ठरलंय…मात्र मुख्यमंत्री -उपमुख्यमंत्र्यांचा आदेश आमच्यासाठी अंतिमआयुष्यात स्ट्रेस हा ताटातल्या मिठाईइतकाच असावा, माणसांनी अवाजवी अपेक्षा न ठेवल्यास जीवनयात्रा आनंदयात्रा बनतेकलेच्या प्रसारासाठी सागर बगाडेंनी महाराष्ट्रभर दौरा करावा, संपूर्ण प्रवास खर्च उचलू - मंत्री चंद्रकांत पाटीलमी कडवट शिवसैनिक, चाळीस वर्षे संघटनेत ! पश्चिम महाराष्ट्रात सर्वात सिनीअर, आता राज्य पातळीवर काम करण्याची ईच्छा ! !आयकर कायद्याचे अज्ञान पतसंस्थांना ठरू शकते आर्थिकदृष्ट्या महागडे – सीए अजय शेडबाळे इचलकरंजी, दि. उद्योजक नितीन मेनन यांचे निधनगारगोटीत विशेष नेत्र रुग्णालयाचे रविवारी लोकार्पण; अद्ययावत कॅथलॅबच्या कामाचा शुभारंभ डॉ. रईसा मुल्ला यांना पीएचडीअध्यक्ष - उपाध्यक्षांनी घेतली काँग्रेसच्या सदस्यांची भेट, सोमवारी महायुतीची बैठकट्रॅक्टर ट्रॉली अंगावर, साखर कारखान्याच्या दोघा कर्मचाऱ्यांचा मृत्यू

जाहिरात

 

महाविद्यालयीन विद्यार्थी सिद्धेश रेडेकरचा अपघाती मृत्यू, कुटुंबाला मोठा धक्का - बुधवारी रक्षाविसर्जन

schedule22 Apr 25 person by visibility 1221 categoryगुन्हे

महाराष्ट्र न्यूज वन प्रतिनिधी, कोल्हापूर : वडील अभियंता, बांधकाम व्यावसायिक. वडिलासारखेच आपणही बांधकाम क्षेत्रात करिअर करायचे म्हणून तो ही आर्किटेक्टचे शिक्षण घेत होता. त्याला रेसिंगची आवड. बाइक रायडर म्हणून त्याची ओळख. सुट्टीदिवशी मित्रासोबत पर्यटनस्थळांची सैर करायचा.रविवारी, २० एप्रिल २०२५ रोजी आजरा तालुक्यातील माद्याळ येथे मोटारीशी त्याच्या स्पोर्टस बाइकची धडक बसून झालेल्या अपघातात २१ वर्षीय सिद्धेश विलास रेडेकर या तरुणाचा जागीच मृत्यू झाला. उमद्या तरुणाचा अकाली अंत झाला. आर्किटेक्ट होण्याचे स्वप्न अधुरेच राहिले. ही हृदयद्रावक व मनाला चटका लावणारी घटना. कुटुंबांसाठी तर हा मोठा धक्का.

सिद्धेशच्या पार्थिवावर पंचगंगा स्मशानभूमी येथे अंत्यसंस्कार करण्यात आले. बुधवारी (२३ एप्रिल) सकाळी नऊ वाजता पंचगंगा स्मशानभूमी येथे रक्षाविसर्जन करण्यात येणार आहे. रेडेकर कुटुंबीय हे माळी कॉलनी टाकाळा येथील. ते, मूळचे करवीर तालुक्यातील नंदगाव येथील. अभियंता विलास रेडेकर हे महापालिकेत अभियंता म्हणून काम केले होते. नोकरीतून स्वेच्छानिवृत्ती घेत त्यांनी बांधकाम व्यवसायत पाऊल टाकले.या क्षेत्रात जम बसविला. त्यांचा मुलगा सिद्धेशही बांधकाम क्षेत्रात करिअर करण्यासाठी प्रयत्नशील होता. यासाठी आर्किटेक्टचे शिक्षण घेत होता.

पर्यटनस्थळी सैर करण्याची आवड. बाइकवरुन सुट्टीदिवशी मित्रासोबत सैर करायचा. रेसिंगची हौस असल्यामुळे जिल्हयाच्या विविध भागत बाइकवरुन सैर ठरलेली. रविवारी (२० एप्रिल २०२५) , तो मित्रासोबत बाइकवरुन आंबोलीकडे रवाना झाला. आंबोलाहून परत येत असताना माद्याळ गावानजीक काही अंतरावर त्याच्या बाइकची आणि मोटारीची धडक झाली. हेल्मेटही उडून काही अंतरावर पडले. या अपघातात सिद्धेश गंभीररित्या जखमी झाला. अपघात इतका भयानक होता की, जागेवरच सिद्धेशचा मृत्यू झाला. त्याच्या मृत्यूने रेडेकर कुटुंबीयांवर दु:खाचा डोंगर कोसळला आहे.

जाहिरात

 
Copyright © 2026. All Rights Reserved by Maharashtra News 1.
Designed & Developed by Adhvik go Online
JSON Output

    
Settings
Theme
themes