प्रदीप उलपे यांनी बावड्यात गटर ओलांडून त्याच्यापुढे रस्त्यात बांधलेल्या घराबद्दल माहिती दिली. तानाजी जाधव, अनिल पोवार, शेफाली मेहता, सुरज धनवडे, प्रा. नीलिमा व्हटकर, राजर्षी शाहू स्पोर्ट्स अकॅडमीच्या गणेश सांगडे, संदीप पाटील  यांनी विविध भागातील अतिक्रमणाबाबत नगररचना खात्याने कशा चुका केल्या याची माहिती दिली.अभिजीत कुलकर्णी यांनी शाहू नाका ते राजेंद्रनगरकडे येणाऱ्या रस्त्यावरील ओपन स्पेस वरील अतिक्रमणांचा मुद्दा मांडला. मालती शिंदे या वृद्ध महिलेने, त्यांच्या मालकीच्या जागेत शेजार्‍याने केलेल्या अतिक्रमणाविरोधात नगररचना खात्यात २००८ पासून हेलपाटा मारत आहे. मात्र न्याय मिळाला नाही असे सांगताना भावनावश झाल्या. बैठकीला  गजानन तोडकर ,संतोष जोशी, उदय पाटील, सूर्यकांत शेणवी, अरुण कांबळे, बी.टी. वाघमारे, प्रभाकर कुलकर्णी, वि.म.गुळवणी, गणपत गायकवाड, रणजीत देसाई, रणजीत पाटील, फिरोज शेख उपस्थित होते.