महाराष्ट्र न्यूज वन प्रतिनिधी  कोल्हापूर : रेकॉर्डवरील गुन्हेगार सुरज साखरेवरील गोळीबार प्रकरणी पोलिसांनी दोन आरोपींना अटक केली आहे. विक्रमनगर येथील रफिक मुला आणि मणेरमळा येथील शाहबाज खान अशी आरोपींची नावे आहेत. सुरज साखरेवर गुरुवारी 16 जुलै 2026 रोजी दुपारी तीन  वाजण्याच्या सुमारास क्रांतिसिंह नाना पाटीलनगर चौक येथे गोळीबार करण्यात आला होता. यामध्ये साखरे हा गंभीर जखमी झाला आहे. त्याच्यावर खाजगी रुग्णालयात उपचार सुरू आहेत दरम्यान या घटनेचा तपास करण्यासाठी पोलिसांनी दोन पथके नेमली होती. पोलिसांनी  शुक्रवारी 17 जुलै रोजी आरोपींना अटक केली आहे. गोळीबार प्रकरणी पोलिसांनी तत्काळ शोध मोहीम राबवून 24 तास उलटण्याअगोदरच आरोपींना अटक केली.