महाराष्ट्र न्यूज वन प्रतिनिधी, कोल्हापूर : ऑलिम्पिकमध्ये तब्बल ७२ वर्षांनी पदक जिंकत स्वप्नील कुसाळे याने क्रीडानगरी कोल्हापूरच्या वैभवात भर घातली आहे. खाशाबा जाधव यांच्यानंतर ऑलिंपिकमध्ये कोल्हापूरला स्वप्नीलने पदक मिळवून दिले.  स्वप्निलच यश हे युवा पिढीसाठी प्रेरणादायी आहे, असे प्रतिपादन आमदार ऋतुराज संजय पाटील यांनी केले.

यावेळी हॉटेल सयाजीच्यावतीने जनरल मॅनेजर अमिताभ शर्मा व प्रमुख अधिकाऱ्यांच्या उपस्थितीत केक कापून स्वप्निलच्या यशाचा आनंदोत्सव साजरा करण्यात आला.   प्राचार्य डॉ. महादेव नरके यांनी सूत्रसंचालन केले. यावेळी डी.वाय.पाटील ग्रुप, व सयाजी हॉटेलचे कर्मचारी, विद्यार्थी मोठ्या संख्येने उपस्थित होते.

.............

 एक लाखाचा धनादेश देऊन स्वप्निलच्या प्रशिक्षकांचा सन्मान

कोणताही खेळाडू घडवण्यात त्याच्या गुरुचे मोठे योगदान असते. त्यामुळे स्वप्निल कुसाळे याच्या पंखांना बळ देणाऱ्या त्यांच्या प्रशिक्षीका दिपाली देशपांडे यांचा विशेष सन्मान डी.वाय.पाटील ग्रुपच्यावतीने करण्यात आला. आमदार ऋतुराज संजय पाटील यांच्या हस्ते एक लाखांचा धनादेश, शाल, पुष्पगुच्छ देऊन देशपांडे यांचा सत्कार करण्यात आला.