महाराष्ट्र न्यूज वन : दळवीज आर्ट इन्स्टिट्यूटच्या विद्यार्थी विभागाच्या वार्षिक चित्रप्रदर्शनाचे उद्घाटन ज्येष्ठ चित्रकार प्राचार्य जी एस माजगावकर यांच्या हस्ते  झाले. प्रदर्शनात जी डी आर्ट आणि नव्या तीन वर्षाच्या ड्रॉइंग पेंटिंग पदवीकेच्या प्रथम वर्ष, फाउंडेशन या वर्गातील विद्यार्थ्यांच्या निवडक रेखांकन, रंगकाम, संकल्प या मधील पायाभूत सराव चित्र, व्यक्तिचित्र, रचनाचित्र, मुद्राचित्र, शैक्षणिक कलाकृती प्रदर्शित केल्या आहेत. त्याचबरोबर या शैक्षणिक वर्षांमधील राज्य कला प्रदर्शनामध्ये निवड झालेल्या कलाकृती  आहेत.

      उद्घाटन सोहळ्याप्रसंगी जेष्ठ चित्रकर्ती श्रीमती विजयमाला मिस्त्री, दळवीज आर्ट एज्युकेशन सोसायटीचे अध्यक्ष माजी आमदार बाबासाहेब पाटील, संस्थेच्या सचिव प्राध्यापिका अर्चना आंबीलधोक,  सुनील पाटील (अंबपकर), प्राचार्य अस्मिता जगताप, चित्रकार विजय टिपुगडे,  प्रा. दीपक कांबळे, प्रा.अभिजीत कांबळे, प्रा. प्रवीण वाघमारे, विद्यार्थी विद्यार्थिनी प्रतिनिधी राजवर्धन देशमुख,  स्नेहल खराडे, अभिजात चित्रकलेचे शिक्षण घेणारे विद्यार्थी, पालक आणि जाणकार कलारसिक उपस्थित होते. तीन दिवस सुरू असणारे हे प्रदर्शन राजर्षी छत्रपती शाहू स्मारक भवन येथील कलादालनात  23 ते 25 फेब्रुवारी 2026 अखेर सकाळी ९ ते सायंकाळी ८ वाजेपर्यंत  कलारसिकांना पाहण्यास खुले राहील.