महाराष्ट्र न्यूज वन प्रतिनिधी कोल्हापूर  : विद्यार्थिनीशी अश्लील  वर्तन केल्याची तक्रार झालेल्या केआयटी कॉलेजमधील प्रा. सौरभ जोशी यांना निलंबित करण्यात आले आहे. तसेच कॉलेज प्रशासनाने त्यांच्या विरोधात ज्या तक्रारी झाल्या आहेत त्या संबंधीची  चौकशी करण्यासाठी समिती  स्थापन केली आहे. केआयटी कॉलेजचे संचालक मोहन वनरोटी यांनी यासंदर्भातील ही माहिती दिली. प्रा. जोशी यांच्या विरोधात विद्यार्थिनीने गोकुळ शिरगाव पोलीस स्टेशनमध्ये तक्रार दाखल केली आहे. त्यामध्ये संबंधित प्राध्यापकाने अश्लील वर्तन केल्याचे म्हटले आहे. ही घटना समोर आल्यानंतर खळबळ उडाली. दरम्यान पोलीस स्टेशनमध्ये तक्रार दाखल झाल्यानंतर केआयटी व्यवस्थापनने या साऱ्या प्रकाराची गंभीर दखल घेतली आहे . संबंधित प्राध्यापकाला तत्काळ नोकरीतून निलंबित केले तसेच त्यांच्या विरोधात झालेल्या तक्रारीची अनुषंगाने चौकशी करण्यासाठी एका समितीची ही स्थापना केली. केआयटी कॉलेजमध्ये गैरकृत्य  खपवून घेतले जाणार नाही. के आय टी ही नामांकित शैक्षणिक संस्था आहे. गुणवत्तापूर्ण शिक्षण देणारे कॉलेज म्हणून लौकिक आहे असे संचालक  वनरोटी यांनी म्हटले आहे.