महाराष्ट्र न्यूज वन प्रतिनिधी, कोल्हापूर : कसबा बावडा येथील पॅव्हेलियन मैदानावर शनिवारी रात्री झालेल्या छत्रपती शिवाजी महाराजांच्या जीवनावरील 'कर्मयोगी' या महानाट्यात आमदार सतेज पाटील यांनी वारकऱ्यांच्या वेशभूषेत सहभाग घेतला. 

कसबा बावडा येथील भगवा चौकात उभारण्यात आलेल्या शिवाजी महाराजांच्या पूर्णाकृती पुतळ्याच्या आनंदा प्रित्यर्थ कसबा पावडर लाईन बाजारमधील तब्बल 2001 कलाकारांनी एकत्र येत पॅव्हेलियन मैदान येथे 'कर्मयोगी' हे महानाट्य सादर केले. यामध्ये तत्कालीन ग्रामीण जीवन, शेतकरी जीवन, महाराजांची न्यायव्यवस्था, वारकरी संप्रदाय आदी घटनांचे चित्रण करण्यात आले होते. यावेळी धनगरी ढोल वाजवण्यात आले. यामध्ये आमदार सतेज पाटील आणि आमदार ऋतुराज पाटील यांनी ढोल वाजवून आनंद साजरा केला.  त्यानंतर या महानाट्यातील वारकरी दिंडीमध्ये आमदार सतेज पाटील हे स्वतः टाळ घेऊन सहभागी झाले. यावेळी तब्बल बालकलाकारांनी शिवाजी महाराजांच्या वेशभूशेत सहभाग घेतला.  या महानाट्यनंतर दोन्ही आमदारासह सगळे कलाकार मिरवणुकीने भगवा चौकात दाखल झाले. यावेळी आनंदोत्सव साजरा करण्यात आला. फटाक्यांच्या आतषबाजीने कसबा बावडा , लाईन बाजार परिसर उजळून निघाला.