महाराष्ट्र न्यूज वन प्रतिनिधी, कोल्हापूर : तपोवन प्रभागातील रिसनं ७६२ जामसांडेकर व ७६९/२ लिंगम कॉलनी येथील खुल्या जागेतील अतिक्रमणे येत्या आठ दिवसात हटवावीत, अन्यथा महापालिकेसमोर उपोषण करण्यात येईल असा इशारा भारतीय जनता पक्षाचे माजी नगरससेवक विजय खाडे यांनी दिला आहे. खाडे यांनी यासंबंधीचे निवेदन महापालिका प्रशासनाला दिले आहे.

खाडे यांनी पत्रकात म्हटले आहे, अतिक्रमण हटविण्यासंबंधी महापालिकेकडून हलगर्जीपणा होत आहे, यासाठी कायदेशीर मार्गाचा अवलंब केला जात आहे. सातत्याने तक्रारी होऊनही अतिक्रमणे का हटविले जात नाही ? तत्कालिन अतिरिक्त आयुक्त रविकांत आडसूळ यांनी संबंधित अतिक्रमणे काढावीत असे आदेश इस्टेट ऑफिसर व अतिक्रमण विभागप्रमुख सचिन जाधव यांना दिले होते. मात्र जाधव यांनी कोणतीही कार्यवाही केली नाही. याप्रश्नी त्यांची चौकशी व्हावी व त्यांना बडतर्फे करावे. या खुल्या जागेच्या सात/बाराला अथवा प्रॉपर्टी कार्डला महापालिकेचे नाव लावावे असे पत्र प्रशासनाला देऊनही कोणतीही कार्यवाही करण्यात आली नाही.