महाराष्ट्र न्यूज वन प्रतिनिधी, कोल्हापूर : ‘ कोल्हापूर जिल्हा शिक्षण संस्था चालक संघाचे भरीव कार्य वसंतराव देशमुख यांनी केले. संस्थाचालकांचे वाद सोडविले. त्यांना संघटित करण्यासाठी प्रयत्न केले.’अशा शब्दांत आमदार जयंत आसगावकर यांनी आदरांजली वाहिली.

कोल्हापूर जिल्हा शैक्षणिक व्यासपीठ, मुख्याध्यापक संघ, शिक्षण संस्था चालक यांच्या संयुक्त विद्यमाने श्री लक्ष्मी प्रसारक शिक्षण मंडळाचे संस्थापक वसंतराव देशमुख यांना श्रद्धाजंली वाहण्यासाठी शोकसभा आयोजित केली होती. आमदार आसगावकर हे शोकसभेच्या अध्यक्षस्थानी होते. राम गणेश गडकरी सभागृहात झालेल्या या सभेत अनेकांनी, मनोगतादरम्यान वसंतराव देशमुख यांच्यासोबतच्या आठवणींना उजाळा दिला. त्यांच्यासोबत शैक्षणिक, संघटनात्मक पातळीवरील कामाचा अनुभव शेअर करताना अनेकांना गहिवरुन आले.

कोल्हापूर जिल्हा शैक्षणिक व्यासपीठाचे अध्यक्ष एस. डी. लाड यांनी देशमुख यांच्या सामाजिक, शैक्षणिक कार्याचा पट उलगडला. प्रिन्स शिवाजी मराठा बोर्डिंग हाऊसचे अध्यक्ष बी. जी. बोराडे, न्यू एज्युकेशन सोसायटीचे सचिव प्राचार्य प्रभाकर हेरवाडे, मुख्याध्यापक संघाचे सचिव आर. वाय. पाटील, भरत रसाळे, शिवाजी माळकर, सी. एम. गायकवाड, सुनील कुरणे, विलास पोवार, सुभाष जाधव, विष्णू पाटील, रणजित देवाळकर, आर. बी. पाटील, बाबा पाटील, सविता काळे, उमेश देसाई यांनी देशमुख यांच्यासंबंधीच्या आठवणी सांगितल्या.

याप्रसंगी मुख्याध्यापक संघाचे चेअरमन राहुल पवार,इरफान अन्सारी, उदय पाटील, के के पाटील, सुधाकर निर्मळे, सयाजी पाटील, गजानन काटकर, प्रकाश पाटील, सुनील कल्याणी, सुधाकर सावंत आदी उपस्थित होते.