महाराष्ट्र न्यूज वन प्रतिनिधी, कोल्हापूर : जिल्हा परिषदेचे माजी सदस्य बी एच पाटील यांना महाराष्ट्र राज्य कबड्डी असोसिएशनतर्फे देण्यात येणारा राज्यस्तरीय ज्येष्ठ संघटक पुरस्कार जाहीर झाला आहे. कबड्डी, खेळाडू व संस्था यांच्या विकासासाठी योगदान देणाऱ्या खेळाडू व संघटकांच्याप्रती कृतज्ञता म्हणून हा पुरस्कार दिला जातो. पाटील यांचे वडणगे येथील जय किसान क्रीडा मंडळ या संस्थेच्या स्थापनेत योगदान आहे. या क्रीडा मंडळाच्या माध्यमातून त्यांनी राज्य व राष्ट्रीय पातळीवरील खेळाडू घडविले आहेत. हा पुरस्कार वितरण समारंभ कबड्डीदिनाचे औचित्य साधून १५ जुलै रोजी आहे. उपमुख्यमंत्री अजित पवार यांच्या हस्ते शिवछत्रपती क्रीडा संकुल, म्हाळुंगे पुणे येथे कार्यक्रम होणार आहे.