गांधीनगरात भाजपच्या सरपंचासह चौघांचा काँग्रेसमध्ये प्रवेश ! आमदार सतेज पाटील यांच्या उपस्थितीत प्रवेश !!
schedule01 Aug 24 person by visibility 790 categoryजिल्हा परिषद
महाराष्ट्र न्यूज वन प्रतिनिधी, कोल्हापूर : गांधीनगर येथील भारतीय जनता पक्षाचे सरपंच संदीप पाटोळे, ग्रामपंचायत सदस्य गजेंद्र हेगडे यांच्यासह चौघांनी काँग्रेसमध्ये प्रवेश केला. काँग्रेसचे जिल्हाध्यक्ष व आमदार सतेज पाटील, कोल्हापूर दक्षिण विधानसभा मतदारसंघाचे आमदार ऋतुराज पाटील यांच्या प्रमुख उपस्थितीमध्ये गुरुवारी (१ ऑगस्ट २०२४) रोजी हा पक्षप्रवेशाचा कार्यक्रम झााला. गांधीनगर येथील सिंधी सेंट्रल पंचायत येथे मेळावा झाला. यावेळी सचिन जोशी, राजू चंदनशिवे यांनीही काँग्रेसमध्ये प्रवेश केला.
‘ राज्यात, केंद्रात काँग्रेसची सत्ता नसतानाही लोक आमच्या गटात सहभागी होत आहेत. याबद्दल विरोधकांनी आत्मपरीक्षीण करावे.’असा टोला आमदार सतेज पाटील यांनी भाजपला लगाविला. गांधीनगरच्या विकासकामासाठी निधी उपलब्ध करुन देऊ. आमदार ऋतुराज पाटील यांच्या माध्यमातून एक कोटी वीस लाख रुपयांचा निधी लवरकच गांधीनगरला मिळेल असे त्यांनी सांगितले.
दक्षिणचे आमदार ऋतुराज पाटील यांनी गट-तट न पाहता गांधीनगरचा विकास करण्यावर आपला भर राहील असे सांगितले. सरपंच संदीप पाटोळे यांनी ‘गांधीनगरच्या विकासासाठी काँग्रेस पक्षात प्रवेश करत आहे.’असे सांगितले. सचिन जोशी, सदस्य गजेंद्र हेगडे, निवास तामगावे, कपिल घाडगे, प्रल्हाद शिरोटे, आशिष पाटील यांची भाषणे झाली. याप्रसंगी उपसरपंच विनोद हुजराणी, ग्रामपंचायत सदस्य रियाज सनदी, सनी चंदवानी, करवीर पंचायत समितीचे माजी सभापती प्रदीप झांबरे, गोवलदास कट्यार, सेवाराम तलरेजा, दिलीप कुकरेजा, प्रकाश चंदवानी, अशोकराव तेलानी, अशोक निगडे, सतिश घाटगे, बजरंग रणदिवे उपस्थित होते.
