महाराष्ट्र न्यूज वन प्रतिनिधी कोल्हापूर  :  समाजवादी पक्षाचे महाराष्ट्र अध्यक्ष व  सहकार, सामाजिक व पुरोगामी चळवळीतील ज्येष्ठ नेते प्रतापराव होगाडे यांचे सोमवारी हृदयविकाराच्या झटक्याने निधन झाले. मृत्यूसमयी ते 74 वर्षाचे होते. वीज तज्ञ म्हणून त्यांची महाराष्ट्रभर ओळख होती. जनता दलात ते अनेक वर्ष सक्रिय होते. इचलकरंजी येथील मनोरंजन मंडळाचे संस्थापक  होते. विविध क्षेत्रात सक्रिय सहभाग असणारे ज्येष्ठ व्यक्तिमत्त्व म्हणून त्यांच्याबद्दल आदराची भावना होती. ते महाराष्ट्र वीज ग्राहक संघटनेचे अध्यक्ष होते. सामाजिक, संस्कृतिक क्षेत्रात हिरीरीने सहभाग असायचा. शेती, वीज यासंबंधी झालेल्या आंदोलनात ते अग्रभागी असायचे. अभ्यासपूर्ण वक्ते म्हणून त्यांची ओळख होती. सोमवारी हृदयविकाराच्या झटक्याने त्यांचे निधन झाले. मंगळवारी १९  नोव्हेंबर रोजी सकाळी ८ वाजता दाते मळा,सुंदर बाग परिसरातील त्यांच्या राहत्या राहत्या घरापासून अंत्ययात्रा निघणार आहे.