महाराष्ट्र न्यूज वन प्रतिनिधी कोल्हापूर : कोल्हापूर महापालिकेच्या आगामी निवडणुकीसाठी सर्वच पक्षांनी कंबर कसली आहे. मातब्बर उमेदवारांच्या शोधात असलेल्या पक्षाने आता थेट इन्कमिंगवर भर दिला आहे. कोल्हापुरात शिवसेनेने पुन्हा एकदा काँग्रेसला धक्का दिला. माजी महापौर ॲड. महादेवराव आडगुळे यांचे चिरंजीव इंद्रजीत आडगुळे  यांनी शिवसेनेत प्रवेश केला. तसेच माजी महापौर सई खराडे व त्यांचे चिरंजीव शिवतेज खराडे यांचाही शिवसेनेत प्रवेश झाला. ठाणे येथे उपमुख्यमंत्री एकनाथ शिंदे यांच्या प्रमुख उपस्थितीमध्ये खराडे व अआडगुळे यांचा पक्षप्रवेशाचा कार्यक्रम झाला यावेळी राज्य  नियोजन मंडळाचे कार्यकारी अध्यक्ष व आमदार राजेश क्षीरसागर, माजी आमदार सुजित मिंणचेकर आदी उपस्थित होते. आमदार क्षीरसागर यांनी या कामी पुढाकार घेतला होता. कोल्हापुरातील महापालिकेच्या निवडणुकीत यंदा महायुतीची सत्ता आणायची असा संकल्प नेते मंडळींनी केला आहे. सक्षम उमेदवारांचा पक्ष प्रवेश सुरू आहे. काँग्रेसकडून महापौर झालेले आडगुळे व खराडे यांचे वारसदार आता शिवसेनेचे दाखल झाले आहेत. शिवाय माजी महापौर सई खराडे यांनी शिवसेनेचा भगवा हाती घेतला. 2005 मध्ये त्या काँग्रेसकडून निवडून आल्या  होत्या. महापौरपदावर असतानाच त्यांनी जनसुराज पक्षात प्रवेश केला होता. सई खराडे यांनी दोनदा महापालिकेवर नगरसेविका म्हणून प्रतिनिधित्व केले आहे. मध्यंतरी त्यांनी राष्ट्रवादी काँग्रेस पक्षाकडेही चाचपणी केली होती. आगामी महापालिका निवडणुकीसाठी त्यांचे चिरंजीव शिवतेज खराडे हे इच्छुक आहेत तसेच माजी महापौर महादेवराव अडगुळे यांचे चिरंजीव इंद्रजीत हे देखील महापालिका निवडणूक लढवणार आहेत. महादेवराव आडगुळे यांनी 1999 मध्ये विधानसभेची निवडणूक लढवली होती ळ. त्यावेळी त्यांनी दोन नंबरची मते मिळवली होती. दरम्यान शिवतेज खराडे व इंद्रजीत आडगुळे या दोघांनाही उमेदवारीचा शब्द दिल्यामुळे त्यांचा पक्ष प्रवेश झाल्याचे वृत्त आहे.