Maharashtra News 1
Register
Breaking : bolt
शिवाजी विद्यापीठातर्फे गुणवंत शिक्षक - प्रशासकीय सेवक पुरस्कारांची घोषणा, बुधवारी वितरण समारंभपंडित उल्हास कशाळकर, युवा पखवाजवादक कृष्णा साळुंखेंना गुणीदास पुरस्कार ! सहा डिसेंबरला वितरण समारंभ !!भलेबहाद्दर नगरसेवक....लक्ष्य गांधीनगरवर ! निशाणा प्रशासनावर !!अगोदर निधी…मग सभा ! महापालिका सभेत नगरसेवकांची प्रशासनावर आगपाखड!!जिल्हा परिषदेत असमान निधी वाटप, काँग्रेसच्या सदस्यांचे शुक्रवारी लाक्षणिक उपोषण ! विकासकामे रखडली, सदस्यांचे आरोग्य बिघडण्याची वेळ ! !आरोग्य सेवेवर एआयचा वॉच, कोल्हापूर जिल्ह्यात पायलट प्रोजेक्ट !आरोग्यमंत्र्यांच्या हस्ते प्रकल्पाचे उद्घाटन ! !केआयटीला आयएसटीईचे दोन मानाचे पुरस्कार कोल्हापुरात सुसज्ज आर्ट गॅलरीची गरज -  मालोजीराजे छत्रपतीविनापरवाना व्यवसाय करणाऱ्या जीमवर कारवाई, लॉजिंग व्यवस्थापनला नोटीस...तर गप्प बसणार नाही, कोल्हापुरात काँग्रेसच्या नगरसेवकांचा महायुतीला इशारा

जाहिरात

 

कोल्हापुरातील इंडस्ट्रीजसाठी महिनाभरात उद्योगमंत्र्यांच्यासोबत बैठक – आमदार राजेंद्र पाटील यड्रावकर

schedule14 Oct 26 person by visibility 246 categoryशैक्षणिक

महाराष्ट्र न्यूज वन प्रतिनिधी, कोल्हापूर -: ‘कोल्हापुरातील औद्योगिक वसाहती, उद्योग- व्यवसाय आणि कारखानदारीच्या प्रश्नांच्या सोडवणुकीसाठी उद्योगमंत्री उदय सामंत यांच्या अध्यक्षतेखाली येत्या महिनाभरात कोल्हापुरात बैठक घेऊ.’ अशी ग्वाही आमदार राजेंद्र पाटील-यड्रावकर यांनी दिली. तसेच नगरविकास विभागाच्या सचिवासोबत भेट घडवून आणू असे सांगितले.

 कोल्हापूर चेंबर ऑफ कॉमर्स, इंडस्ट्री अँड अग्रीकल्चर (एमएसीसीआयए) व कोल्हापूर चेंबर ऑफ कॉमर्स अँड इंडस्ट्रीज यांच्या संयुक्त विद्यमाने ‘उद्योग संवाद’कार्यक्रम आयोजित केला होता. एमएसीसीआयएचे अध्यक्ष रवींद्र माणगावे हे कार्यक्रमाच्या अध्यक्षस्थानी होते. माजी आमदार जयश्री जाधव, एमएसीसीआयए ट्रस्ट बोर्डचे चेअरमन आशिष पेडणेकर, वरिष्ठ उपाध्यक्ष करुणाकर शेट्टी, विश्वस्त भालचंद्र पाटील, आनंद माने यांची प्रमुख उपस्थिती होती. या कार्यक्रमासाठी सहकार्य केलेल्या चंदुलाल सराफ ज्वेलर्सचे राजेंद्र जैन, अतुल शहा, ऑपरेशन हेड योगेश शहा यांचा सत्कार करण्यात आला.

कोल्हापूर चेंबर ऑफ कॉमर्सचे अध्यक्ष संजय शेटे यांनी प्रास्ताविकांत कोल्हापुरातील औद्योगिक वसाहतीतील पायाभूत सुविधा, आवश्यक उपाययोजना यासंबंधी ऊहापोह केला. गोकुळ शिरगाव, शिरोली, कागल एमआयडीसीतील प्रश्नांकडे लक्ष वेधले. एमएसीसीआयचे अध्यक्ष माणगावे यांनी, ‘महाराष्ट्र चेंबर ऑफ कॉमर्सतर्फे उद्योग, व्यावसायिकांच्या प्रश्नांच्या सोडवणुकीसोबतच नव उद्योजक घडविण्यासाठी प्रयत्न सुरू आहे. कारखानदारीसह एमआयडीसीसाठी आवश्यक सुविधा, भविष्यकालीन नियोजनासंबंधी उद्योग संवाद कार्यक्रम आयोजित केला आहे. उद्योग, व्यावसायिकांना एकत्र करुन मंत्रालय स्तरावर पाठपुरावा केला जाईल.’ यावेळी कारखानदार  व उद्योग व्यावसायिकांनी इंडस्ट्रीजसंबंधी प्रश्न मांडले. याप्रसंगी चेंबर ऑफ कॉमर्सचे उपाध्यक्ष राजू पाटील, इंजिनीअरिंग असोसिएशनचे कमलकांत कुलकर्णी, भरत जाधव,दीपक चोरगे, संचालक राहुल नष्टे, अजित कोठारी, संपत पाटील, प्रशांत शिंदे, शांताराम सुर्वे, रामराजे बदाले, मोहन कुशिरे, सचिन शानबाग, सिद्धार्थ लाटकर धनंजय दुग्गे, विज्ञानंद मुंडे, राहुल मेंच, प्रल्हाद जोशी, अनिल धडाम आदी उपस्थित होते. पंडित कंदले यांनी सूत्रसंचालन केले.

जाहिरात

 
Copyright © 2026. All Rights Reserved by Maharashtra News 1.
Designed & Developed by Adhvik go Online
JSON Output

    
Settings
Theme
themes