महाराष्ट्र न्यूज वन प्रतिनिधी कोल्हापूर : शारदीय नवरात्र महोत्सवाचा आठवा दिवस महाअष्टमी. करवीर निवासिनी अंबाबाई देवीची अष्टमीला महिषासूरमर्दिनी रुपात पूजा बांधली आहे. आजच्याच दिवशी सर्व देवांच्या तेजातून प्रगटलेल्या अष्टादशभुजा दुर्गेने महिषासुराचा संहार केला होता. करवीरनिवासिनी अंबाबाईअर्थात परब्रम्हाची प्रधान प्रकृती. या रूपामध्ये जगदंबेने महिषासुरमर्दिनीचे उग्र रूप घेतले शक्तिपीठांच्या परंपरेप्रमाणे करवीरक्षेत्री आदिशक्तीचे स्वरूप असणाऱ्या माता सतीचे त्रिनेत्र पडले. तेथे देवीने महिष मर्दिनीरूपाने विहार केला अशी आख्यायिका आहे त्याला अनुसरूनच नवरात्राच्या या अष्टमीला करवीरनिवासिनीची महिषासुरमर्दिनी रूपातली अलंकार पूजा बांधली जाते.