महाराष्ट्र न्यूज वन प्रतिनिधी कोल्हापूर : राज्य सरकारच्यावतीने क्रांतिज्योती सावित्रीबाई फुले पुणे विद्यापीठ येथे घेण्यात आलेल्या राज्यस्तरीय संशोधन स्पर्धेत विवेकानंद कॉलेजच्या विद्यार्थिनी शब्दा बालाजी वाघमोडे (बी.ए.भाग 1) हिने व्दितीय क्रमांक मिळविला. तिने कोल्हापूर जिल्हयातील पिशवी खोऱ्यातील (शाहूवाडी तालुका) जलयुक्त शिवार योजनेचा सुक्ष्म् अभ्यास या विषयावरील संशोधन करुन त्याची माहिती मॉडेलव्दारे सादर केली.
या यशाबद्दल प्राचार्य डॉ.आर.आर.कुंभार यांच्या हस्ते सत्कार करण्यात आला. जिल्हास्तरीय स्पर्धा शाहू कॉलेज,कोल्हापूर येथे झाली. या स्पर्धेत विवेकानंदच्या श्रेया मांडेकर, शब्दा वाघमोडे व अंकिता वरुटे या तीन विद्यार्थिनींचा विविध श्रेणीमध्ये अनुक्रमे पहिला, दुसरा व तिसरा क्रमांक आला. यातून श्रेया मांडेकर, शब्दा वाघमोडे या दोघींची विद्यापीठ स्तरावरील स्पर्धेसाठी निवड झाली. त्यांनी मानवता, भाषा व ललितकला या श्रेणीतून स्पर्धेत सहभागी होऊन अनुक्रमे पहिला व दुसरा क्रमांक मिळविला. यानंतर राज्य्स्तरावर विद्यापीठामार्फत श्रेया मांडेकर, शब्दा वाघमोडे यांनी शिवाजी विद्यापीठाचे प्रतिनिधित्व केले.
श्री स्वामी विवेकानंद शिक्षण संस्थेचे कार्याध्यक्ष प्राचार्य अभयकुमार साळुंखे, संस्था सेक्रेटरी प्राचार्या शुभांगी गावडे आणि मुख्य कार्यकारी अधिकारी कौस्तुभ गावडे, यांनी अभिनंदन केले. या विद्यार्थिनीला प्रा.सुनिल भोसले, डॉ.जी.एस.उबाळे, डॉ.शुभांगी काळे, डॉ. सुमैया इनामदार, श्री.सी.बी.दोडमणी यांचे मार्गदर्शन लाभले.