महाराष्ट्र न्यूज वन प्रतिनिधी कोल्हापूर : शाहूपुरी, कुंभार गल्ली येथील श्री पंचमुखी गणेश सेवा भक्त मंडळाच्यावतीने येथील पंचमुखी गणेश मंदिरात गणेश जयंतीनिमित्ताने विविध धार्मिकव सामाजिक उपक्रम राबविण्यात येणार आहेत, अशी माहिती अध्यक्ष सुनील पाटील व उपाध्यक्ष उदय कुंभार यांनी पत्रकार परिषदेत दिली.
गणेश जयंती २५ जानेवारी रोजी आहे. गणेश जयंतीच्या सप्ताहाची सुरुवात २० तारखेपासून होणार आहे. २० ते २६ जानेवारी पर्यंत धार्मिक कार्यक्रमांचे आयोजन केले आहे. १९९५ मध्ये स्थापन केलेल्या पंचमुखी गणेश मंदिरास यावर्षी २८ वर्षे पूर्ण होत आहेत. दरवर्षी जन्मकाळ सोहळा साजरा केला जातो. त्यानुसार यंदाही महाआरती, सामुदायिक अथर्वशीर्ष पठण, पारायण, भजन, श्रीगणेशाचा अभिषेक, जन्मकाळ व पालखी सोहळा असे विविध धार्मिक कार्यक्रम आयोजित होणार आहेत.२६ जानेवारी रोजी महाप्रसाद वाटप होणार आहे . याशिवाय सामाजिक बांधिलकी जपत मंडळाच्यावतीने विविध सामाजिक उपक्रम राबवले जातात.
पत्रकार परिषदेस उत्सव कमिटी अध्यक्ष शुभम कुंभार,उपाध्यक्ष ओंकार पाटील, सचिव अरविंद जाधव, खजनिस शिवाजी बावडेकर, सतिश वडणगेकर, राजेश पठाण, उदय डवरी, अजय पाटील, सतिश कुंभार उपस्थित होते.