महाराष्ट्र न्यूज वन प्रतिनिधी कोल्हापूर : कोल्हापूर जिल्हा परिषद कर्मचारी सहकारी सोसायटीच्या चेअरमन-व्हाईस चेअरमन निवडीसाठी बुधवारी (२५ जानेवारी २०२३) बैठक होत आहे. चेअरमन व व्हाईस चेअरमनपदासाठी नावे निश्चित करण्यात आले आहेत. बुधवारी संचालकांच्या होणाऱ्या बैठकीत पदाधिकारी निवडीवर शिक्कामोर्तब होईल.
श्री महालक्ष्मी सहकार सत्तारुढ पॅनेलने २१ पैकी २१ जागा जिंकल्या. दरम्यान सोसायटीच्या अध्यक्ष-उपाध्यक्ष निवडीसाठी २५ जानेवारी रोजी नूतन संचालकांची बैठक होत आहे. अध्यक्षपदासाठी संचालक रणजीत पाटील यांचे नाव यापूर्वी घोषित झाले आहे. तर उपाध्यक्षपदासाठी इच्छुकांची मते मंगळवारी जाणून घेण्यात आली.
सत्ताधारी आघाडीचे नेतेमंडळी व मार्गदर्शक यांची मंगळवारी सायंकाळी बैठक झाली. आघाडीचे प्रमुख एम. आर. पाटील, विद्यमान चेअरमन राजीव परीट, ज्येष्ठ संचालक महावीर सोळांकुरे, शिक्षक नेते राजाराम वरुटे, कृष्णात कारंडे, एम. एम. पाटील, के.आर.किरुळकर, अजित मगदूम, किरण मगदूम, अनिल आवळे, श्रीमती शिर्के आदींच्या उपस्थितीमध्ये ही बैठक झाली.
यावेळी नूतन संचालकांनी आघाडीचे नेते मंडळी मार्गदर्शक जो निर्णय घेतील तो मान्य असल्याचे सांगितले. दरम्यान महालक्ष्मी सहकारी सत्तारूढ पॅनेलच्या समोर सर्व संचालकांची मुलाखतीमध्ये चेअरमनपदासाठी रणजीत पाटील तर व्हाईस चेअरमन पदासाठी मुजमिल अहमद नावळीकर यांच्या नावाला एकमुखी पाठिंबा दिल्याचे वृत्त आहे. नूतन चेअरमन व व्हाईस चेअरमन यांच्या निवडीवर बुधवारी होणाऱ्या बैठकीत शिक्कामोर्तब होईल.