महाराष्ट्र न्यूज 1 प्रतिनिधी, कोल्हापूर : विश्व हिंदू परीषदेचे प्रांत विशेष संपर्क प्रमुख श्रीकांत सर्जेराव पोतनीस यांची पुणे जनता सहकारी बँकेच्या संचालक पदावर नियुक्ती झाली आहे. पोतनीस यांच्या नियुक्तीबद्दल कोल्हापूरातील समस्त हिंदुत्वादी संघटनाच्या वतीने राज्य नियोजन मंडळाचे कार्यकारी अध्यक्ष राजेश क्षीरसागर यांच्या हस्ते सत्कार करण्यात आला. शाल, श्रीफळ व पुष्पगुच्छ देउन सत्कार झाला. पोतनीस हे गेली अनेक वर्षे हिंदुत्ववादी चळवळीत आणि हिंदू धर्म प्रसाराच्या उपक्रमामध्ये अग्रभागी आहेत. यासह ते कोल्हापूर जिल्ह्यातील नामांकित उद्योगपती असून, गोशिमा या संस्थेचे माजी अध्यक्ष म्हणूनही त्यांनी उद्योजक आणि कामगार हिताचे काम केले आहे. या सत्काराप्रसंगीविश्व हिंदू परिषदेचे जिल्हामंत्री अॅड.सुधीर जोशी वंदूरकर, बाबा वाघापूरकर, उदय भोसले, कमलाकर किलकिले, चंद्रकांत बराले, हिंदुराव शेळके, शाम जोशी, किशोर घाटगे, पराग फडणीस, राजू गडकरी, रामाराव उपस्थित होते.