महाराष्ट्र न्यूज वन प्रतिनिधी कोल्हापूर : कोल्हापूर जिल्हा पतसंस्था फेडरेशनच्या अध्यक्षपदी शंकर पाटील यांची तर उपाध्यक्षपदी मोहनलाल माळी यांची निवड करण्यात आली पतसंस्था फेडरेशनच्या कार्याध्यक्षपदी अनिल पाटील यांची निवड झाली.
कोल्हापूर जिल्हा पतसंस्था फेडरेशन ची निवडणूक नुकतीच बिनविरोध झाली. पदाधिकारी निवडीसाठी संचालक मंडळाची नुकतीच बैठक झाली. उपनिबंधक कार्यालयातील अधीक्षक मिलिंद ओतारी हे बैठकीच्या अध्यक्षस्थानी होते.
या बैठकीत पतसंस्था फेडरेशनच्या पदाधिकाऱ्याच्या निवडी करण्यात आल्या. यावेळी संचालक सतीश हिंदुराव पाटील, राजेश मनोहर केसरकर, शांताराम रामचंद्र भिंगुडे, सदाशिव तिवले, सुनील व्यंकाप्पा भोसले, राजाराम शिंदे, नितीन हुजरे, शंकर घोटाळे आदिनाथ किणिंगे, मुरलीधर दीक्षित, प्रतापराव शिंदे उपस्थित होते. यावेळी नूतन पदाधिकाऱ्यांचा सत्कार करण्यात आला.