महाराष्ट्र न्यूज वन प्रतिनिधी कोल्हापूर :
स्थानिक गुन्हे अन्वेषण विभागाने रेकॉर्डवरील आरोपीसह एका विधी संघर्षग्रस्त बालकाला पकडून जिल्ह्यातील सात घरफोडीचे गुन्हे उघडकीस आणले. त्यांच्याकडून एक लाख तीस हजार रुपयांचा मुद्देमाल जप्त केला.
निरीक्षक संजय गोर्ले यांच्या मार्गदर्शनाखाली पोलिसांच्या पथकाने पन्हाळा तालुक्यातील कोडोली काखे फाट्याजवळ सापळा रचून निकाजी अभिमान काळे (वय २६, रा. तुळजाभवानी मंदिर, गायरान, आष्टी ता. आष्टी, जि. बिड) आणि त्याचा सहकारी १७ वर्षाच्या मुलाला पोलिसांनी ताब्यात घेतले. त्यांच्याकडून सोन्याची बोरमाळ, सोन्या चांदीचे दागिने, मोटार सायकल असा एक लाख ३० हजार रुपयांचा मुद्देमाल जप्त केला. त्यांच्याकडून पन्हाळा पोलिस ठाणे हद्दीतील एक, शाहूवाडी पोलिस ठाण्यातील पाच असे सात गुन्हे उघडकीस आणले. पोलिस उप निरीक्षक शेष मोरे, पोलिस अंमलदार वसंत पिंगळे, हिंदूराव केसरे, संजय हुंबे, प्रशांत कांबळे, रणजीत कांबळे, असिफ कलायगार, संजय पडवळ, संतोष पाटील, अनिल जाधव, राजेंद्र वरंवडेकर, सायबर पोलिस ठाण्याकडील सुहास पाटील, रवींद्र पाटील, विनायक बाबर यांनी तपासात सहभाग घेतला.