कोल्हापूर जिल्हा नागरी सहकारी बँक असोशिएशनतर्फे गौरव, डॉ संजय डी. पाटील यानी स्वीकारला पुरस्कार

 महाराष्ट्र न्यूज वन प्रतिनिधी कोल्हापूर : 

कोल्हापूर येथील डी. वाय. पाटील सहकारी बँकेस कोल्हापूर जिल्हा नागरी सहकारी बँक असोशिएशनतर्फे नागरी बँक श्रेणीमध्ये ठेवीबाबत उत्तम कामगिरी केल्याबद्दल ‘उत्कृष्ट बँक’ म्हणून प्रथम क्रमांकाच्या पुरस्काराने सन्मानित करण्यात आले. जिल्हा नागरी सहकारी बँकेचे अध्यक्ष निपुण कोरे यांच्या हस्ते डी. वाय. पाटील ग्रुपचे अध्यक्ष व डी. वाय. पाटील बँकेचे संस्थापक अध्यक्ष डॉ. संजय डी. पाटील यांनी स्वीकारला.

 यावेळी जिल्हा नागरी सह. बँक असोशिएशनचे मुख्य कार्यकारी अधिकारी अनिल नागराळे, उप मुख्य कार्यकारी अधिकारी राजाराम कारंडे, संचालक अरुण अलासे, वारणा बँक संचालक प्रमोद कोरे, विश्वेश कोरे, वारणा बँक मुख्य कार्यकारी अधिकारी राजेश सार्दळकर, त्याचबरोबर डी. वाय. पाटील सहकारी बँकेचे विद्यमान चेअरमन धैर्यशील घाटगे, संचालक संजय जाधव, बँकेचे मुख्य कार्यकारी अधिकारी सोमनाथ मोर्ती, व व्यवस्थापक श्रीधर सांगले, सहाय्यक व्यवस्थापक संदीप पाटील आदी यावेळी उपस्थित होते.