महाराष्ट्र न्यूज वन प्रतिनिधी कोल्हापूर : राष्ट्रवादी काँग्रेसचे प्रदेशाध्यक्ष आमदार जयंत पाटील यांच्यावर ईडीकडून जाणूनबुजून कारवाई होत असल्याचा आरोप करत राष्ट्रवादी युवक काँग्रेसने कोल्हापुरात निदर्शने केली. दसरा चौक येथील राजर्षी शाहू महाराजांच्या पुतळ्यासमोर सोमवारी आंदोलन झाले. भाजप सरकार आणि ईडी विरोधात कार्यकर्त्यांनी घोषणा दिल्या.

 माजी महापौर आर के पोवार, राष्ट्रवादीचे कार्याध्यक्ष अनिल साळोखे, सेवा दलाचे बाळासाहेब देशमुख, शहर सरचिटणीस सुनील देसाई, युवक काँग्रेसचे शहराध्यक्ष महेंद्र चव्हाण आदींच्या उपस्थितीमध्ये आंदोलन झाले. 50 खोके ईडी पण ओके, भाजप हमसे डरती है ईडी को आगे करते है, ईडी सरकार हाय हाय अशा घोषणा देत कार्यकर्त्यांनी परिसर दणाणून सोडला. आंदोलनात कल्पेश चौगुले, संतोष मेंगाणे, प्रसाद आणूरकर, धनाजी पाटील, यासीन मुजावर, रविराज सोनुले, बाहुबली गाठ, सचिन मुदगल, विश्वजीत साळोखे, सचिन शिरगावे निशिकांत सरनाईक आदींचा सहभाग होता.