महाराष्ट्र न्यूज वन प्रतिनिधी कोल्हापूर :
कोल्हापूर-पन्हाळा रस्त्यावरील वडणगे फाट्याजवळ धारदार चाकूने सपासप वार करून खून झाल्याची घटना घडल्याने एकच खळबळ उडाली आहे. खुनानंतर आरोपी स्वतः करवीर पोलीस ठाण्यात हजर झाला आहे.
किरण दळवी नाईक( वय 37 रा. प्रयाग चिखली, ता. करवीर) असे खून झालेल्या व्यक्तीचे नाव आहे तर संशयित आरोपी सुरज अडसूळ (वय 32 रा. निगवे दुमाला ता. करवीर) हा स्वतः करवीर पोलीस ठाण्यात हजर झाला आहे. मंगळवारी रात्री साडे अकरा वाजण्याच्या सुमारास ही घटना घडली आहे. अनैतिक कारण आणि बदनामीच्या कारणावरून संशयित आरोपीने खून केला असावा, असा पोलिसांनी प्राथमिक अंदाज व्यक्त केला आहे. करवीर पोलीस ठाण्याचे निरीक्षक गुन्ह्याचा तपास करत आहेत.