महाराष्ट्र न्यूज वन प्रतिनिधी, कोल्हापूर : प्राथमिक आरोग्य केंद्र व उपकेंद्र या ठिकाणी काम करणाऱ्या अंशकालिन महिला परिचर यांना नोकरीत कायम करावे, कायम कामगारांचा पगार द्यावा. इतर कामगारांप्रमाणे रजा, सुट्ट्या मिळाव्यात. प्रवास भत्ता मिळावा यासह विविध मागण्यासाठी जिल्हा परिषदेसमोर निदर्शने केली. कोल्हापूर जिल्हा आरोग्य परिचारिका संघटना, कामगार केंद्रातर्फे आंदोलनाचे आयोजन केले होते.
कॉम्रेड दिलीप पवार, एस. बी. पाटील, शाहीर सदाशिव निकम, बाबा यादव, बाळासाहेब पोवार आदींच्या नेतृत्वाखाली आंदोलन झाले. जिल्हा परिषद प्रशासनाला मागण्यांचे निवेदन दिले. महिला कर्मचारी अनेक वर्षे काम करत असूनही सोयीसुविधाबाबत त्यांच्यासोबत दुजाभाव का ? अशी विचारणा करण्यात आली.