महाराष्ट्र न्यूज वन प्रतिनिधी कोल्हापूर : लव्ह जिहाद, गोहत्या आणि धर्मांतरण बंदीबाबत कायदे करावेत यासाठी सकल हिंदू समाजातर्फे रविवारी ( एक जानेवारी २०२३) कोल्हापुरात जनआक्रोश मोर्चा निघणार आहे. या मोर्चामध्ये हजारो नागरिक सहभागी होणार आहेत अशी माहिती संयोजक श्रीकांत पोतनीस, सुधीर वंदूरकर शांतीभाई लिंबाणी यांनी पत्रकार परिषदेत दिली. दरम्यान श्री छत्रपती चॅरिटेबल देवस्थान ट्रस्टने भवानी मंडप येथे मोर्चाच्या समारोपासाठी जागा देण्यास नकार दिल्याचे संयोजकांना कळविले आहे.
"मोर्चाच्या समारोपासाठी भवानी मंडपातील जागा देण्यास श्री छत्रपती चॅरिटेबल देवस्थान ट्रस्टकडे परवानगी मागितली होती. मात्र ट्रस्टने मोर्चाच्या समारोपासाठी भवानी मंडप येथे परवानगी नाकारली. यामुळे ट्रस्टचि निषेध करत असल्याचे " मोर्चाचे संयोजक महेश जाधव, बंडा साळुंखे, किशोर घाटगे आदींनी सांगितले. मोर्चाचा समारोप आता भवानी मंडप कमानी बाहेरील रस्त्यावर अजब पुस्तकालय समोरील जागेत होईल" असे संयोजकांनी सांगितले.मोर्चाविषयी सांगताना ते म्हणाले, "बिंदू चौक येथून सकाळी दहा वाजता ध्वजपूजनाने मोर्चाला सुरुवात होईल. बिंदू चौक, मिरजकर तिकटी, बिनखांबी गणेश मंदिर, महाद्वार रोड, पापाची तिकटी शिवाजी चौक ते भवानी मंडप कमान समोर असा मोर्चा निघणार आहे. पत्रकार परिषदेला उदय भोसले, मधुकर नाझरे, शिवानंद स्वामी, राहुल कदम, सौरभ निकम, अजित पाटील, सुरेश रोकडे, उत्तम सांडुगडे, भवन पटेल आदी उपस्थित होते.