महाराष्ट्र न्यूज वन प्रतिनिधी कोल्हापूर : कोल्हापूर महापालिकेच्या वर्धापन दिनानिमित्त आयोजित कार्यक्रमांमध्ये देवराज बोटिंग क्लबचा सन्मान करण्यात आला. गणेशोत्सव,  महापुराची  आपत्ती या कालावधीत देवराज बोटिंग क्लबने सेवाभावी वृत्तीने केलेल्या कार्याचा गौरव या निमित्ताने झाला. महापालिकेच्या प्रशासक कादंबरी बलकवडे यांच्या हस्ते सन्मानपत्र देऊन सत्कार करण्यात आला. उपायुक्त शिल्पा दरेकर, रविकांत अडसूळ, विनायक औंधकर यांची प्रमुख उपस्थिती होती.   "आपत्कालीन परिस्थितीमध्ये आपण सेवावृत्ती कार्यरत राहिलात आपल्या योगदानामुळे कोल्हापूर महानगरपालिकेत सहकार्य लाभले आदर्श नागरिक म्हणून आपण बजावलेले कर्तव्य माणुसकी आणि सामाजिक जाणीव व्यक्त करणारे आहे. तसेच  स्पृहणीय आहे"अशा शब्दात कोल्हापूर महापालिकेतर्फे गौरव करण्यात आला.