महाराष्ट्र न्यूज 1 प्रतिनिधी, कोल्हापूर : हातकणंगले तालुक्यातील माणगाव येथे हर घर तिरंगा व हर घर संविधान उपक्रम राबविण्यात आले. भारतीय स्वातंत्र्याचा ७५ वा अमृतमहोत्सव माणगावमध्ये विविध उपक्रमाद्वारे साजरा झाला.
प्रतीकात्मक सरपंच म्हणून विधवा महिला सपना सुनील पाटील यांची निवड करण्यात आली. त्यांच्या हस्ते गांधी चौक येथील ग्रामपंचायतीचे ध्वजारोहण झाले. आमदार प्रकाश आवाडे यांच्या हस्ते हर घर संविधान वाटपाच्या कार्यक्रमास सुरुवात करण्यात आली. गावातील सर्व प्रभागातील प्राथमिक 50 नागरिकांना संविधान प्रतीचे वाटप केले. तसेच माणगाव गावातील वयाची ७५ वर्षे पूर्ण केलेल्या गावातील ७५ जेष्ठ नागरिकांचा सत्कार करण्यात आला.
सरपंच डॉ. राजू मगदूम यांनी प्रास्ताविक केले. याप्रसंगी माजी आमदार सुजित मिणचेकर, प्रातांधिकारी विकास खरात,अप्पर तहसीलदार शरद पाटील, गटविकास अधिकारी शबाना मोकाशी, उपसरपंच अख्तरहुसेन भालदार, ग्रामपंचायत सदस्य राजगोंडा पाटील, अभिजित घोरपडे, प्रकाश पाटील, नितीन कांबळे, मनोज आदाण्णा, अमरसिंह उपाध्ये, सुधाराणी पाटील, वसुधा बन्ने, सुनीता मगदूम, विद्या जोग, स्वप्निला माने, गीतांजली उपाध्ये, रमीजा जमादार, संध्याराणी जाधव, संघमित्रा माणगावकर, ग्रामविकास अधिकारी बी.बी.राठोड, गाव कामगार तलाठी जे.एम. पोवार, जवाहर कारखान्याचे संचालक जिनगोंडा पाटील, माजी सरपंच अनिल पाटील, आय.वाय. मुल्ला, तंटामुक्ती अध्यक्ष सुनील मन्ने, राजू सनदी, उपस्थित होते.