महाराष्ट्र न्यूज वन प्रतिनिधी कोल्हापूर : कोल्हापूर ते मुंबई विमान प्रवास करणाऱ्या प्रवाशांसाठी आता आणखीन एक खुशखबर आहे. येत्या 26 मार्च 2023 पासून कोल्हापूर ते मुंबई या मार्गावर इंडिको कंपनीची विमान सेवा सुरू होत आहे. हे विमानसेवा दररोज असणार आहे अशी माहिती खासदार धनंजय महाडिक यांनी दिली. यामुळे कोल्हापूर-मुंबईसाठी आता दोन विमाने प्रवाशांसाठी उपलब्ध होतील.
[सध्या कोल्हापूर ते मुंबई अशी विमानसेवा सुरू आहे आठवड्यातून चार दिवस ही सेवा उपलब्ध आहे. व्यापार व्यवसायाचा आणि कामासाठी कोल्हापूर ते मुंबई विमान प्रवास करणाऱ्या प्रवाशांची संख्या मोठी आहे. प्रवासी वर्गाची मागणी विचारात घेऊन खासदार धनंजय महाडिक यांनी कोल्हापूर ते मुंबईची सुरुवात व्हावी यासाठी प्रयत्न केले होते त्यांच्या प्रयत्नांना यश मिळाले आहे. इंडिगो कंपनी मार्फत 26 मार्च पासून सकाळी साडेनऊ वाजता कोल्हापुरातून मुंबईकडे विमान सुटेल. सायंकाळी मुंबई ते कोल्हापूर अशी विमानसेवा उपलब्ध असणार आहे.