महाराष्ट्र न्यूज 1 प्रतिनिधी कोल्हापूर : कोल्हापूर महानगरपालिका प्राथमिक शिक्षक सहकारी पतसंस्थेच्या सभासदांना १५ टक्के लाभांश देण्याची घोषणा पतसंस्थेचे चेअरमन सुभाष धाडवड यांनी केली.

पतसंस्थेच्या ५९ व्या वार्षिक सर्वसाधारण सभेत अध्यक्षस्थानावरुन ते बोलत होते.याप्रसंगी बोलताना चेअरमन धाडवड यांनी कर्जाचा व्याजदर साडेनऊ टक्के इतका केल्याचे त्यांनी सभेत घोषित केले. या सभेत पतसंस्थेसाठी नवीन वास्तु घेतल्याबद्दल सभासद डॉ. अजितकुमार पाटील यांनी अभिनंदनाचा ठराव केला. तानाजी पाटील,कुलदीप जठार, संदीप सुतार, संतोषकुमार कदम, सुनील पाटील, द्रोणाचार्य पाटील, युवराज सरनाईक, उत्तम कुंभार, सुभाष माने, संभाजी कबाड़े यांनी चर्चेत सहभाग घेतला.

संस्थेचे सचिव सुधाकर सावंत यांनी अहवालाचे वाचन केले.  सभेस व्हाइस चेअरमन सरीता सुतार,खजानीस उमेश देसाई, वसंत आडके, उत्तम गुरव, संजय पाटील, संजय कडगावे, प्रकाश पाटील, शिवराज नलवडे, राजेंद्र गेंजगे, मनोहर शिंदे, शकील भेंड़वाडे, विजय माळी, विजय जाधव, दिलीप माने, नयना बडकस, शकुंतला मोरे उपस्थित होते. मनोहर सरगर यांनी आभार मानले.