महाराष्ट्र न्यूज 1 प्रतिनिधी, कोल्हापूर : ग्रामपंचायपत व सहकारी संस्थांच्या एकाच कालावधीत होत असल्यामुळे सहकार विभागाने नवा आदेश काढला आहे. निवडणुका जाहीर झालेल्या सहकारी संस्थांच्या निवडणूक कार्यक्रमाला २० डिसेंबर २०२२ पर्यंत स्थगिती दिली आहे. सहकार विभागाच्या या आदेशामुळे कोल्हापूर जिल्ह्यातील इतक्या सहकारी संस्थांच्या निवडणुका पुढे ढकल्या आहेत. सहकार विभागाच्या आदेशानुसार जिल्हा परिषद कर्मचारी सोसायटी, ग्रामसेवक पतसंस्था आणि गडहिंग्लज अर्बन बँकेसह २१ सहकारी संस्थांच्या निवडणुका पुढे गेल्या.
राज्य निवडणूक आयोगामार्फत सध्या ग्रामपंचायत निवडणुकीचा कार्यक्रम जाहीर करण्यात आला आहे. २० डिसेंबरपर्यंत सात हजार एकावन्न ग्रामपंचायतीच्या निवडणुका होणार आहेत. याच कालावधीत सहकारी संस्थांच्या निवडणुकांचाही कार्यक्रम जाहीर झाला आहे. राज्य सहकारी निवडणूक प्राधिकरणमार्फत अ,ब, क आणि ड वर्गातील मिळून ७,१४७ सहकारी संस्थांच्या निवडणुकीचा कार्यक्रम सुरू आहे. ग्रामपंचायत आणि सहकार विभाग या दोन्ही निवडणुकींचा एकच कालावधी, सहकारी संस्थांचे सभासदत्व यामुळे मतदानापासून मतदार वंचित राहण्याची शक्यता आहे. यामुळे राज्य सरकारच्या सहकार विभागाने सहकारी संस्थांच्या निवडणुका पुढे ढकलल्या. सहकारी संस्थांच्या निवडणुका वीस डिसेंबरपर्यंत स्थगित केल्याचे आदेशात म्हटले आहे.