महाराष्ट्र न्यूज वन प्रतिनिधी कोल्हापूर : कोल्हापूर शेती उत्पन्न बाजार समितीच्या सभापती व उपसभापती पदाच्या निवडीसाठी गुरुवारी (25 मे) बैठक होत आहे. बाजार समिती येथे सकाळी 11 वाजता पदाधिकारी निवडीच्या प्रक्रियेला सुरुवात होईल. तत्पूर्वी बाजार समितीच्या संचालकांची सर्किट हाऊस येथे बैठक झाली. राष्ट्रवादीचे जिल्हाध्यक्ष ए वाय पाटील, गोकुळचे संचालक बाळासाहेब खाडे, युवराज पाटील, जिल्हा मध्यवर्ती बँकेचे संचालक भैया माने, जिल्हा परिषदेचे माजी उपाध्यक्ष शशिकांत खोत आदी उपस्थित होते. संचालकांशी चर्चा केल्यानंतर सकाळी साडेदहा वाजता सगळेजण बाजार समितीकडे रवाना झाले. बाजार समितीत सभापती व उपसभापतींची नावे जाहीर करण्यात येणार आहेत