महाराष्ट्र न्यूज वन प्रतिनिधी कोल्हापूर :
कोल्हापूर- गगनबावडा मार्गावर असणाऱ्या बालिंगा पुलाखाली भोगावती नदीपात्रात गुरुवारी तरुणांचा मॄतदेह आढळला. दिलीप शिवाजी परीट (वय २७, रा. परिट गल्ली, पडळ ता. पन्हाळा) असे नाव आहे. युवकाचा बुडून मृत्यू असल्याची नोंद करवीर पोलीस ठाण्यात झाली आहे.
या घटनेची माहिती अशी की कोल्हापूर गगनबावडा रस्त्यावरील करवीर तालुक्यातील बालिंगा पुलाच्या खाली भोगावती नदीपात्रात पाण्यात व्यक्तीचा मृतदेह तरंगताना पोहण्यास आलेल्या नागरिकांना दिसला. मृताचा अंगात निळा टी शर्ट व निळ्या रंगाची जिन्स पँन्टहोती. मृतदेहाचे तोंड पाण्यात असल्याने ओळख पटत नव्हती. पोलीस पाटील सुरेश पाटील यांनी या बाबत करवीर पोलिसांना माहिती दिली. सुरेश पाटील यांनी स्थानिकांच्या साहाय्याने मृतदेह बाहेर काढला. हा मृतदेह पडळ येथील दिलीप शिवाजी परीट या तरुणाची माहिती समजली असून पोलिसांनी खातरजमा केली. गेले काही दिवस मानसोपचार तज्ञाकडून त्यांच्यावर उपचार सुरू होते,अशी प्राथमिक माहिती पोलिसांना मिळाली आहे.