डी वाय पाटील अभियांत्रिकी महाविद्यालयातील ट्रेनिंग अँड प्लेसमेंट ऑफिसर प्रा. सुदर्शन नारायण सुतार यांना ‘शिक्षा गौरव पुरस्कार-२०२२’ ने सन्मानित करण्यात आले. युनिव्हर्सल मेंटॉर असोसिएशनच्या वतीने गुरुवारी मुंबईत झालेल्या समारंभात प्रा. सुतार यांचा गौरव करण्यात आला. याच समारंभात ‘टीपीओ ऑफ द इअर’ म्हणूनही त्यांचा सन्मान करण्यात आला.

   ‘युनिव्हर्सल मेंटॉर असोसिएशन’च्यावतीने आयोजित चौथ्या ‘एज्युलीडर समीट’ मध्ये शिक्षण क्षेत्रात उल्लेखनीय कामगिरी करणाऱ्या व्यक्तींचा सन्मान करण्यात आला. मुंबईतील गोरेगाव येथील नेस्को सेंटर येथे हा पारितोषिक वितरण समारंभ पार पडला. प्रा.सुदर्शन सुतार यांनी शिक्षण क्षेत्रासाठी दिलेल्या योगदानाबद्दल राष्ट्रीय स्तरावर ‘शिक्षा गौरव पुरस्कार’ ने तर ट्रेनिंग व प्लेसमेंट सेलच्या माध्यमातून अभियांत्रिकी विद्यार्थ्याना उत्तम करिअर संधी मिळवून दिल्याबद्दल ‘टीपीओ ऑफ द इअर’ या दोन पुरस्कारांनी त्यांना गौरविण्यात आले.