महाराष्ट्र न्यूज वन प्रतिनिधी कोल्हापूर :
करवीर तालुका प्राथमिक शिक्षक सहकारी पतसंस्थेच्या अध्यक्षपदी चंद्रकांत नारायण पाटील व उपाध्यक्षपदी शशिकांत गजानन धुत्रे यांच्या निवड झाली अध्यक्षपदासाठी सूचक दिपाली भोईटे तर अनुमोदक सुकुमार मानकर होते. उपाध्यक्षपदाचे सुचक संदीप मगदूम व अनुमोदक दिपक पाटील होते.
शिक्षक बँक संचालक सुरेश कोळी यांच्या मार्गदर्शनाखाली निवडी झाल्या.यावेळी शिक्षक बँक संचालिका वर्षा केनवडे, हिंदुराव परीट, शिवाजी लवटे, मधुकर जाधव, शरद केनवडे आदी उपस्थित होते
निवडणूक निर्णय अधिकारी म्हणून करवीर तालुका उपनिबंधक बाळासाहेब पाटील यांनी काम पाहिले. यावेळी संचालक कृष्णात कारंडे, धनाजी सासणे, धनाजी पाटील ,यशवंत चौगुले ,दीपक पाटील, बाळासाहेब कांबळे, राजेंद्र तौंदकर, मंगल चौगले,सचिन पावसकर उपस्थित होते.
पतसंस्थेत सभासदांच्या हिताला प्राधान्य देऊन स्वच्छ व पारदर्शक कारभार केला जाईल. संस्थेचे सभासद ही संस्थेचे मालक असून आम्ही विश्वस्त म्हणून प्रामाणिकपणे ही जबाबदारी पार पाडू असे मत चंद्रकांत पाटील यांनी व्यक्त केले.