महाराष्ट्र न्यूज वन प्रतिनिधी कोल्हापूर :
अठरा वर्षाखालील विद्यार्थी दशेतील मुलांना वाहन चालवण्यास देणाऱ्या ११० पालकांच्या विरोधात शहर वाहतूक नियंत्रण शाखेने कोर्टात खटले दाखल केले आहेत.
कोल्हापूर जिल्ह्यात राष्ट्रीय सुरक्षा सप्ताह सुरू झालेला आहे. वाहन चालकांचे समुपदेशन, प्रबोधन त्याचबरोबर कारवाईही केली जात आहे. कोल्हापूर शहरात 18 वर्षाखालील विद्यार्थी शाळा महाविद्यालय आणि कोचिंग क्लास मध्ये वाहने घेऊन जात असल्याचे प्रमाण वाढले आहे. तसेच त्यांच्या अपघाताचे प्रमाणही वाढले आहे. अठरा वर्षाखाली मुलांना जीव ही गमावावा लागला आहे. या पार्श्वभूमीवर पोलीस अधीक्षक शैलेश बलकवडे यांनी शहर वाहतूक नियंत्रक शाखेच्या कार्यालयाला कारवाईचे आदेश दिले. त्यानुसार बुधवारी संपूर्ण शहरात वाहने चालणारे 18 वर्षाखालील विद्यार्थ्यांच्या कारवाई करण्यात आली. त्यांची वाहने शहर वाहतूक शाखेत आणून कारवाई केली. या कारवाईमुळे शहर वाहतूक शाखेच्या कार्यालयात विद्यार्थ्यांची मोठी गर्दी झाली होती कारवाई टाळण्यासाठी विद्यार्थिनी नेते मंडळींशी संपर्क साधत होते. पण पोलीस कारवाईवर ठाम होते. वाहन चालवणाऱ्या अल्पवयीन मुले आणि विद्यार्थ्यांच्या पालकांनाही शहर वाहतूक शाखेच्या कार्यास बोलवण्यात आले. पोलिसांनी त्यांना समुपदेशनही केले. तसेच 110 पालकांच्या विरोधात लहान मुलांना वाहन चालवण्यास दिल्याबद्दल कोर्टात खटले दाखल करण्यात आले आहेत, असे पत्रक शहर वाहतूक शाखेचे पोलीस निरीक्षक स्नेहा गिरी आणि प्रसिद्धीस दिले आहे.