“गेल्या ९ वर्षात पंतप्रधान नरेंद्र मोदीं यांनी राबवलेले समाजोपयोगी उपक्रम घराघरात पोहचवणं ही बूथप्रमुखांची जबाबदारी आहे” अशी सूचना खासदार धनंजय महाडिक यांनी कार्यकर्त्यांना दिली. 

भारतीय जनता पक्षाची जिल्हा कार्यकारिणीची बैठक शाहू स्मारक भवनमध्ये झाली. या बैठकीला राज्याचे कामगारमंत्री सुरेश खाडे, जिल्हाध्यक्ष समरजित घाटगे, महानगर जिल्हाध्यक्ष राहुल चिकोडे, माजी आमदार अमल महाडिक, महिला जिल्हाध्यक्षा शौमिका महाडिक, विजय जाधव, डॉ. संजय पाटील, अशोक देसाई यांची प्रमुख उपस्थिती होती. ग्रामीण सरचिटणीस सुनील मगदूम, महेश जाधव, राहुल चिकोडे यांनी मोदी सरकारच्या कामकाजाची माहिती दिली. शिंदे-फडणवीस सरकारने गेल्या १० महिन्यात समाजातील प्रत्येक घटकांसाठी वेगवेगळ्या योजना राबवल्या आहेत असे त्यांनी सांगितले. मंत्रीज्ञखाडे यांच्या हस्ते माजी आमदार अमल महाडिक यांचा सत्कार करण्यात आला. सध्याच्या काळात कोणत्याही निवडणुका सोप्या राहिलेल्या नाहीत. बूथ यंत्रणा सक्षम झाली, तर निवडणूक जिंकता येते. २०१९ च्या निवडणुकीत आपण केवळ बूथ यंत्रणेमुळे ३७ हजार मतांनी निवडून आलो, असे  खाडे यांनी सांगितले.