महाराष्ट्र न्यूज वन प्रतिनिधी, कोल्हापूर : ज्येष्ठ शिक्षणतज्ज्ञ आणि पाच विद्यापीठाचे कुलगुरुपद भूषविलेल्या डॉ. माणिकराव साळुंखे यांच्या 'विद्येच्या प्रांगणात' या आत्मकथनाचे प्रकाशन समारंभ शुक्रवारी (२६ मे २०२३) होत आहे.दसरा चौक येथील राजर्षी शाहू स्मारक भवन येथे सायंकाळी ५.३० वाजता हा समारंभ होत आहे.

 श्रीमंत शाहू छत्रपती यांच्या हस्ते पुस्तकाचे प्रकाशन होणार आहे. माजी मुख्यमंत्री पृथ्वीराज चव्हाण कार्यक्रमाच्या अध्यक्षस्थानी आहेत.ज्येष्ठ पत्रकार निखिल वागळे प्रमुख वक्ते आहेत. साळुंखे यांनी शिवाजी विद्यापीठासह (राज्य अकृषी विद्यापीठ) राजस्थान केंद्रीय विद्यापीठ, जयपूर (केंद्रीय), यशवंतराव चव्हाण महाराष्ट्र मुक्त विद्यापीठ, नाशिक (मुक्तशिक्षण), सिम्बायोसिस, इंदौर (कौशल्य विकास) आणि भारती विद्यापीठ, पुणे (अभिमत) अशा देशातील एकूण पाच विविध प्रकारच्या विद्यापीठांचे कुलगुरुपद भूषविले आहे. या आत्मकथनाच्या माध्यमातून त्यांचा जीवनप्रवास उलडणार आहे. कुलगुरू डी. टी. शिर्के, आमदार सतेज पाटील, डॉ. रणधीर शिंदे आणि अरविंद पाटकर यांची प्रमुख उपस्थिती असणार आहे.