प्रभू व स्नेहलता जाधव यांच्या मुलाचे 18 डिसेंबर रोजी लग्न होते. लग्नाचा बस्ता खरेदी करण्यासाठी जाधव कुटुंब चडचणला गेले होते. शनिवारी रात्री उशिरा झाल्यामुळे त्यांनी सोरेगाव रोडवरील एका हॉटेलमध्ये मुक्काम केला. रविवारी सकाळी प्रभू जाधव हे कामानिमित्त लातूरला गेले. दुपारच्या सुमारास त्यांच्या पत्नी स्नेहलता जाधव या हॉटेलमध्ये एकटाच होत्या. त्यांनी नातेवाईकांना फोन केला. मी आत्महत्या करते असे कळवले. नातेवाईकांनी तत्काळ हॉटेलकडे धाव घेतली. हॉटेलमधील रूमचा दरवाजा बंद होता. नातेवाईकांनी दरवाजा तोडून रूममध्ये प्रवेश केला. तेव्हा स्नेहलता जाधव या साडीने गळफास घेऊन आत्महत्या केल्याचे निदर्शनास आले. नातेवाईकांनी त्यांना उपचारासाठी हॉस्पिटलमध्ये दाखल केले. डॉक्टरांनी त्यांना मृत असल्याचे घोषित केले.या घटनेचा पोलिस अधिक तपास करत आहेत.